Jöklaganga á Snæfellsjökul - 17.apríl

Páskaferð með mat og gistingu

Páskaferð þann 17. apríl á Snæfellsjökul með mat og gistingu. - Verð fyrir tvo 75.100 kr. = 37.550 kr. á manninn

Langaholt

Það eru fáar fjallaupplifanir á Íslandi sem toppa það að koma á efstu brúnir Snæfellsjökuls í góðu skyggni og horfa yfir Breiðafjörð og Faxaflóa, líta niður á Snæfellsjökulsþjóðgarð, að sjá skuggavarp jökulsins yfir hafinu og horfa til austurs eftir tindaröð Snæfellsness og inn að miðhálendinu.

Ganga á Snæfellsjökul tekur 6-9 klukkustundir og búast má við allt að 1100 m hækkun og 14km göngu, en þó minna ef fært er upp á jökulháls. Gangan hefst klukkan 9:00 við Arnarstapa.

Erfiðleikastig 3 á kvarðanum 1-4.

Í þessari göngu þann 17. apríl verður gengið í línu og þurfa þátttakendur auk hefðbundins fjallgöngubúnaðar að koma með jöklabrodda, ísexi, göngubelti og læsta karabínu. Hægt er að leigja búnaðinn í flestum útivistarverslunum.

 (Lágmarksfjöldi fyrir gönguhóp er 8 manns) 

Guðmundur Rúnar Svansson

Umsjónarmaður gönguferðanna okkar er Guðmundur Rúnar Svansson frá Dalsmynni. Guðmundur var áður landvörður í Snæfellsjökulsþjóðgarði. Hann er undanfari hjá Flugbjörgunarsveitinni í Reykjavík og hefur lokið fagnámskeiðum Björgunarskólans í fjallamennsku, fjallabjörgun, snjóflóðum og vettvangshjálp í óbyggðum. Hann hefur margra ára reynslu af gönguleiðsögn.

Guðmundur ólst upp við búskap og sveitastörf á Snæfellsnesi og skilaði sér að lokum til baka eftir lausamennsku á höfuðborgarsvæðinu um stundarsakir. Guðmundur er af snæfellsku hálftröllakyni og náfrændi Bárðar Snæfellsáss. Sakir ættirnisins sækir hann mikið í að ganga einsamall um tinda Snæfellsness, og segir fátt af einum. Þá er hann grunaður um að vera kominn af galdrafólki í marga ættliði.

Gönguferð/fjallganga með leiðsögumanni og einnar nætur gisting í Tveggja manna Comfort herbergi með morgunverði ásamt kvöldverðarhlaðborði.

Verð fyrir tvo 75.100 kr. = 37.550 kr. á manninn*

(*Gistináttarskattur er innifalinn í verðinu).

Hlaðborð Langaholts samanstendur af eftirtöldu: Tveimur tegundum af súpu, bláskel (háð árstíðum), fiski í þremur útgáfum, tvennskonar kjötréttum, góðu úrvali af meðlæti og eftirrétti að hætti kokksins.

Matarupplifunin hjá okkur er síbreytileg, það sem er í boði hverju sinni eru þær tegundir sem snæfellskir sjómenn afla á hverjum tíma af gjöfulum fiskimiðum breiðafjarðar og faxaflóa. Við sækjum fiskinn á bryggjuna, kjötið til íslenskra bænda og fullvinnum í okkar eldhúsi.

Ef þú vilt tilboð sniðið að þínum þörfum hafðu þá samband við okkur langaholt@langaholt.is eða fylltu út formið hér að neðan með skilaboðum um þínar óskir.

Fyrir frekari fyrirspurnir og bókanir er hægt að senda inn fyrirspurn:

    Ég samþykki að Langaholt skrái niður upplýsingar mínar.


    Loading...