Sveitahótelið Langaholt er búið 37 herbergjum, öllum með sér baði. Veitingahúsið okkar er með sæti fyrir 50 manns, bar og tvær betri stofur til að slaka á og njóta stundarinnar. Einnig er skjólgóð, steypt verönd út af veitingasalnum þar sem vinsælt er að sitja og njóta útsýnis, sólar eða bara kyrrðarinnar.

Tvö herbergi eru sérsniðin að þörfum þeirra gesta sem bundnir eru við hjólastól.
Frítt Wi-fi er í öllum herbergjum og almenningsrýmum.
Ævinlega er lögð áhersla á persónulega þjónustu í heimilislegu andrúmslofti þar sem gesturinn er umvafinn Snæfellskri náttúru í allri sinni dýrð.

Veitingastaðurinn er opinn allt árið.
Sérgrein okkar er sjávarfang og við njótum nálægðar við gjöful fiskimið í Faxaflóa og Breiðafirði. Þaðan fáum við allan okkar fisk beint frá vinum okkar á fiskmarkaðnum eða við skipshlið.

Til að gera sem flestum til hæfis er ávallt einn kjötréttur, lamb eða naut á matseðli auk grænmetisréttar.
Það má segja að eldhúsið á Langaholti sé sannkallað fullvinnslu eldhús, með megin áherslu á Snæfellskt sjávarfang og staðbundnar landbúnaðarafurðir, gróður og krydd.

Það er stolt okkar og metnaður að matargestir okkar búi lengi að fallegri og gómsætri minningu, hvort heldur sé af heimagerðum morgunverði eða ríkulegri máltíð byggðri á áratuga hefð kynslóða sömu fjölskyldu.