Veitingastaður

Náttúran gefur og við framreiðum með stolti

Á Langaholti er rekinn metnaðarfullur veitingastaður sem er öllum opinn. Fyrirfram valinn matseðill eða sértækar lausnir í boði fyrir hópa eftir samkomulagi. Erum opin fyrir séróskum og óhefðbundnum útfærslum.

Við leggjum aðaláherslu á sjávarfang af Snæfellsnesi og erum stolt af þeim fjölda rétta sem við fullvinnum í eldhúsi okkar og þeim kræsingum sem fæst af nægtarborði náttúrunnar á hverjum tíma.

Veitingasalurinn tekur 50 manns í sæti, einnig er lítill hliðarsalur með kaffiborðum og sæti fyrir um 15 manns.

ATH: Við viljum gjarnan fá upplýsingar varðandi grænmetisfæði eða fæðuofnæmi við komu eða áður en pantað er.

Í eldhúsinu bökum við öll okkar brauð, gerum okkar eigin sultur og marmelaði og megnið af álegginu á morgunverðarborði er heimagert. Sama má segja um súpur, sósur og eftirrétti. Veitingastaðurinn hefur náð að marka sér nokkra sérstöðu með skemmtilegri nálgun á staðbundið hráefni og hefur þeirri viðleitni verið vel tekið meðal gesta.

Morgunverðarhlaðborðið er opið milli klukkan 8:00 og 10:00 og er einnig opið gestum og gangandi. Verð á mann 2.500 kr. sjá lista yfir fjölbreytt úrvalið hér.

Ef sér óskir eru um morgunmat fyrir klukkan 8:00 vinsamlegast hafið samband við starfsmann í afgreiðslu.

Matseðill í boði alla daga frá 12:00 – 20:30. Okkar frábæra fiskisúpa á 2.900 kr. auk annarra rétta, verð frá 3.900 kr. Sjá matseðil hér að neðan.

Kvöldverðarhlaðborðið er ekki í boði út október, nema fyrir þá sem eiga þegar bókað.

Sérgrein okkar er sjávarfang. Við njótum þess hvað byggðin undir jökli á gjöful fiskimið svo nálægt landi og fáum við allan okkar fisk beint frá vinum okkar á fiskmarkaðnum eða við skipshlið.

Fisktegundir í boði ákvarðast af því hvaða afli berst að landi á Snæfellsnesi hverju sinni.

Matseðill

Hlaðborðið er ekki í boði út október, nema fyrir þá sem eiga þegar bókað.

Matseðill í boði frá 12:00 – 20:30

Fiskisúpa að hætti hússins – 2.900 kr.

Grænmetissúpa – 2.600 kr.

Fiskur dagsins – 5.100 kr.

Plokkfiskur með rúgbrauði – 3.900 kr.

Grænmetisréttur dagsins – 3.900 kr.

Kjötréttur dagsins – 5.600 kr.

Eftirréttur – spurðu þjóninn – 2.400 kr.

Heimspeki okkar í matargerð

“Í Langaholti er metnaðarfullur sjávarrétta veitingastaður þar sem kappkostað er að galdra fram ljúffenga rétti úr því besta sem hafið við Snæfellsnes gefur.

Atlandshaf kúrir þar sem fjallgarðurinn stendur endalausan vörð en framundan er Jökullinn. Miðjan er veitingastaðurinn í Langaholti, þar sem matarkistan Snæfellsnes fær að njóta sín. Þar sem sjórinn er allt í kring er sjávarfangið ferskast.

Fiskar Faxaflóa og Bláskel Breiðarfjarðar eiga stefnumót við ferðalang í Langaholti. Þar fær og plokkfiskur og tindabykkja nýja vídd. Þar leika skötuselur og steinbítur við bragðlaukana.”

Meira um okkur

Flettu til vinstri til þess að sjá fleiri myndir!


Loading...