A la carte veitingastaður

Í eldhúsinu bökum við öll okkar brauð, gerum okkar eigin sultur og marmelaði og megnið af álegginu á morgunverðarborði er heimagert. Sama má segja um súpur, sósur og eftirrétti. Veitingastaðurinn hefur náð að marka sér nokkra sérstöðu með skemmtilegri nálgun á staðbundið hráefni og hefur þeirri viðleitni verið vel tekið meðal gesta.

Morgunverðarhlaðborðið er opið milli klukkan 8:00 og 10:00.
Ef sér óskir eru um morgunmat fyrir klukkan 8:00 vinsamlegast hafið samband við starfsmann í afgreiðslu.

Veitingastaðurinn er opinn daglega allt árið milli klukkan 12-16 og svo aftur klukkan 18-20. 

Sérgrein okkar er sjávarfang. Við njótum þess hvað byggðin undir jökli á gjöful fiskimið svo nálægt landi og fáum við allan okkar fisk beint frá vinum okkar á fiskmarkaðnum eða við skipshlið. Til að gera sem flestum til hæfis er ávallt einn kjötréttur, lamb eða naut á matseðlinum og einnig má biðja þjóninn um grænmetisrétt.