Helgrindur - Páska-Fjallganga 20.apríl

Páskaferð með mat og gistingu

Páska-Fjallganga þann 20.apríl á Helgrindur með mat og gistingu. - Verð fyrir tvo 64.000 kr. = 32.000 kr. á manninn

Langaholt

Helgrindur eru bæði miðhluti Snæfellsnessfjallgarðsins og virk eldstöð á milli Snæfellsjökuls og Ljósufjallakerfisins. Þær samanstanda af fjölda tinda og hryggja og hæstur er Böðvarskúla sem er 988 m.y.s.

Helgrindur eru einnig eitt mesta úrkomusvæði á landinu, og í ljósi þess er æskilegt að ganga á þær með leiðsögumanni sem er kunnugur staðháttum og getur gengið eftir aðstæðum og reynt að ná samningum við staðarvættir um veðurfarið.

Fjallganga á Helgrindur að sunnan hefst á bænum Kálfárvöllum. Ekið er til vinstri til móts við bæinn og að Kálfá og gengið þaðan. Gangan er 12-14 km með um 1000m hækkun og tekur 6-8 klukkustundir, en það getur farið eftir aðstæðum á hvaða tinda er gengið.

Erfiðleikastig 3 á kvarðanum 1-4.

Í þessari göngu er nauðsynlegt að hafa með jöklabrodda og ísexi.

 (Lágmarksfjöldi fyrir gönguhóp er 8 manns) 

Guðmundur Rúnar Svansson

Umsjónarmaður gönguferðanna okkar er Guðmundur Rúnar Svansson frá Dalsmynni. Guðmundur var áður landvörður í Snæfellsjökulsþjóðgarði. Hann er undanfari hjá Flugbjörgunarsveitinni í Reykjavík og hefur lokið fagnámskeiðum Björgunarskólans í fjallamennsku, fjallabjörgun, snjóflóðum og vettvangshjálp í óbyggðum. Hann hefur margra ára reynslu af gönguleiðsögn.

Guðmundur ólst upp við búskap og sveitastörf á Snæfellsnesi og skilaði sér að lokum til baka eftir lausamennsku á höfuðborgarsvæðinu um stundarsakir. Guðmundur er af snæfellsku hálftröllakyni og náfrændi Bárðar Snæfellsáss. Sakir ættirnisins sækir hann mikið í að ganga einsamall um tinda Snæfellsness, og segir fátt af einum. Þá er hann grunaður um að vera kominn af galdrafólki í marga ættliði.

Fjallganga á Helgrindur þann 20. apríl með leiðsögumanni og gisting í tveggja manna Comfort
herbergi með morgunverði ásamt kvöldverðarhlaðborði.

Verð fyrir tvo 64.000 kr. =
32.000 kr. á manninn miðað við gistingu í tveggja manna herbergi*

(*Gistináttarskattur er innifalinn í verðinu).

Hlaðborð Langaholts samanstendur af eftirtöldu: Tveimur tegundum af súpu, bláskel (háð árstíðum), fiski í þremur útgáfum, tvennskonar kjötréttum, góðu úrvali af meðlæti og eftirrétti að hætti kokksins.

Matarupplifunin hjá okkur er síbreytileg, það sem er í boði hverju sinni eru þær tegundir sem snæfellskir sjómenn afla á hverjum tíma af gjöfulum fiskimiðum breiðafjarðar og faxaflóa. Við sækjum fiskinn á bryggjuna, kjötið til íslenskra bænda og fullvinnum í okkar eldhúsi.

Ef þú vilt tilboð sniðið að þínum þörfum hafðu þá samband við okkur langaholt@langaholt.is eða fylltu út formið hér að neðan með skilaboðum um þínar óskir.

Fyrir frekari fyrirspurnir og bókanir er hægt að senda inn fyrirspurn:

    Ég samþykki að Langaholt skrái niður upplýsingar mínar.


    Loading...