Jöklagöngur á Snæfellsjökul - 2. og 4. apríl 2026 - Kannski einnig 11. apríl ef veður leyfir

(Lágmarksfjöldi fyrir gönguhóp er 8 manns)

Páskaferðir þann 2. og 4. apríl á Snæfellsjökul með mat og gistingu. -

Langaholt

Hótel Langaholt býður nú um páskana upp á tvær göngur á Snæfellsjökul. Kvöldverður og gisting með morgunverði er innifalin í verðinu. Stefnt er á göngu á Skírdag (2. apríl) og laugardaginn 4. apríl.

Það eru fáar fjallaupplifanir á Íslandi sem jafnast á við það að koma á efstu brúnir Snæfellsjökuls í góðu skyggni og horfa yfir Breiðafjörð og Faxaflóa, líta niður á Snæfellsjökulsþjóðgarð, að sjá skuggavarp jökulsins yfir hafinu og horfa til austurs eftir tindaröð Snæfellsness og inn að miðhálendinu.

Ganga á Snæfellsjökul tekur 6-9 klukkustundir og búast má við allt að 1000 m hækkun og 12 km göngu. Við hittumst 8:30 í Langaholti og verðum samferða þaðan upp á Jökulhálsveg. 

Við áskiljum okkur rétt til að breyta dagsetningum með hliðsjón af veðurspám með nokkurra daga fyrirvara. Sendur verður póstur með nánari upplýsingum stuttu fyrir göngu og ennfremur boðið upp á fjarfund.

Þáttakendur þurfa að vera í sæmilegu gönguformi og hafa með sér góðan vetrarbúnað. Í þessari göngu verður gengið í jöklalínu og þurfa þátttakendur auk hefðbundins fjallgöngubúnaðar að koma með jöklabrodda, ísexi, göngubelti og læsta karabínu. Hægt er að leigja búnaðinn í flestum útivistarverslunum á höfuðborgarsvæðinu.

Gangan er samstarfsverkefni með Tindum Snæfellsness og fararstjóri er Guðmundur Rúnar Svansson.

(Lágmarksfjöldi fyrir gönguhóp er 8 manns) 

Guðmundur Rúnar Svansson

Umsjónarmaður gönguferðanna okkar er Guðmundur Rúnar Svansson frá Dalsmynni. Guðmundur var áður landvörður í Snæfellsjökulsþjóðgarði. Hann er undanfari hjá Flugbjörgunarsveitinni í Reykjavík og hefur lokið fagnámskeiðum Björgunarskólans í fjallamennsku, fjallabjörgun, snjóflóðum og vettvangshjálp í óbyggðum. Hann hefur margra ára reynslu af gönguleiðsögn.

Guðmundur ólst upp við búskap og sveitastörf á Snæfellsnesi og skilaði sér að lokum til baka eftir lausamennsku á höfuðborgarsvæðinu um stundarsakir. Guðmundur er af snæfellsku hálftröllakyni og náfrændi Bárðar Snæfellsáss. Sakir ættirnisins sækir hann mikið í að ganga einsamall um tinda Snæfellsness, og segir fátt af einum. Þá er hann grunaður um að vera kominn af galdrafólki í marga ættliði.

Skírdagur 2.apríl og Laugardagur 4.apríl Páskaganga á Snæfellsjökul.

Við ætlum að bjóða einnig göngu laugardaginn 11. apríl ef veður leyfir.

Dagsganga með leiðsögumanni, kvöldverði og gistingu í tveggja manna Comfort herbergi með morgunverði

Verð fyrir tvo 79.900 kr. = 39.950 kr. á manninn miðað við gistingu í tveggja manna herbergi

(*Gistináttarskattur er innifalinn í verðinu).

Við bjóðum líka verð í einstaklingsherbergi þegar hægt er að koma því við og velkomið að hafa samband í tölvupósti

Matarupplifunin hjá okkur er síbreytileg, það sem er í boði hverju sinni eru þær tegundir sem snæfellskir sjómenn afla á hverjum tíma af gjöfulum fiskimiðum breiðafjarðar og faxaflóa. Við sækjum fiskinn á bryggjuna, kjötið til íslenskra bænda og fullvinnum í okkar eldhúsi.

Ef þú vilt tilboð sniðið að þínum þörfum hafðu þá samband við okkur langaholt@langaholt.is eða fylltu út formið hér að neðan með skilaboðum um þínar óskir.

Fyrir frekari fyrirspurnir og bókanir er hægt að senda inn fyrirspurn:

    Ég samþykki að Langaholt skrái niður upplýsingar mínar.


    Loading...