Í eldhúsinu bökum við öll okkar brauð, gerum okkar eigin sultur og marmelaði og megnið af álegginu á morgunverðarborði er heimagert. Sama má segja um súpur, sósur og eftirrétti. Veitingastaðurinn hefur náð að marka sér nokkra sérstöðu með skemmtilegri nálgun á staðbundið hráefni og hefur þeirri viðleitni verið vel tekið meðal gesta.

Morgunverðarhlaðborðið er opið milli klukkan 8:00 og 10:00 og er einnig opið gestum og gangandi. Verð á mann 2.500 kr. sjá lista yfir fjölbreytt úrvalið hér.

Ef sér óskir eru um morgunmat fyrir klukkan 8:00 vinsamlegast hafið samband við starfsmann í afgreiðslu.

Miðdegismatseðill í boði alla daga frá 12:00 -16:00. Okkar frábæra fiskisúpa á 2.900 kr. auk annara rétta, verð frá 3.500 kr. Matseðill hér.

Við bjóðum uppá kvöldverðahlaðborð daglega frá 18:30 – 20:30. Verð á mann 7.900 kr.

Sérgrein okkar er sjávarfang. Við njótum þess hvað byggðin undir jökli á gjöful fiskimið svo nálægt landi og fáum við allan okkar fisk beint frá vinum okkar á fiskmarkaðnum eða við skipshlið.

Fisktegundir í boði ákvarðast af því hvaða afli berst að landi á Snæfellsnesi hverju sinni.